مين من حقه يوقف المحامي ويقوله وريني الكارنيه؟

القانون مدي للمحامي حصانة خاصة… بس مش مطلقة

كلنا عارفين المحامي حصانة وكله بيجتهد عشان ينضم للنقابة… بس امتى حد يقدر يوقفه؟ او من له الحق ؟!

اولا : القاضي ورئيس الجلسة فقط ✅
امتى؟ لو المحامي اخل بنظام الجلسة
القاضي يعمل ايه؟
من حقه ينذره أو يطلعه من الجلسة أو يحررله مذكرة
بس ممنوع يقبض عليه في الجلسة لازم بعد ما يبعت للنيابة والنقابة

ثانيا: النيابة العامة ✅
امتى؟ لو فيه بلاغ او جريمة
بس لازم تخطر نقيب المحامين او النقيب الفرعي قبل التحقيق معاه
وممنوع تفتيش مكتب المحامي الا بحضور عضو من النقابة

ثالثا : مأمور الضبط القضائي ✅
من حقه يستوقف المحامي زي اي مواطن في “حالة اشتباه” او “تلبس”
بس بشرط: اول ما يعرف انه محامي لازم يبلغ النقابة فوراً
وممنوع التفتيش او القبض عليه في مكان عمله الا بالشروط اللي فوق

وفقا لنص المادة 49 محاماة
للمحامي الحق في ان يعامل بالاحترام الواجب للمهنة

يعني ايه؟
يعني المحامي مش سوبرمان
لو غلط يتحاسب
بس يتحاسب بالقانون وباحترام ومن خلال النقابة

الحصانة دي مش عشان المحامي
دي عشان الكلمة توصل للقاضي من غير خوف
لو خاف المحامي… حق الموكل هيضيع
والقبض على المحامي معناه اهانة للعدالة كلها
عشان كده القانون حط شروط